Bıyl Qarýly Kúshterde serjanttar men sarbazdar quramynyń attestattalýy ótedi (FOTO)

ASTANA. QazAqparat - Bıylǵy jyly 2016 jylǵy naýryzdyń 1-i men qarashanyń 1-i aralyǵynda Qarýly Kúshterdiń barlyq áskerı bólimderi men bólimshelerinde serjanttar men sarbazdar laýazymdarynda otyrǵan kelisimshart boıynsha áskerı qyzmetshilerdiń attestattalýy ótkiziledi, dep habarlaıdy QR Qorǵanys mınıstrliginiń baspasóz qyzmetinen.

Attestattaýdyń basty maqsaty jáne mindeti - árbir áskerı qyzmetshiniń kásibı jáne jeke qasıetterine, áleýetti múmkindikterine jan-jaqty ári dáıekti sıpattama berý, attestalatyn áskerı qyzmetshilerdiń atqaryp otyrǵan laýazymdaryna sáıkestigi men olardyń ári qaraı qyzmet ótkerýiniń perspektıvasyn aıqyndaý.
Attestattaý barysynda kelisimshart boıynsha áskerı qyzmet ótkerip júrgen áskerı qyzmetshilerdiń qyzmet etý merzimin uzartýdyń maqsatqa sáıkestigi aıqyndalady, áskerı qyzmetshilerdi daıarlaý jáne qaıta daıarlaýdy jetildirý baǵyttaryn anyqtaý men qyzmet boıynsha ilgeriletý nemese oqýǵa jiberý úshin kadrlyq rezerv qurylady. Attestattaý tórt kezeńde ótkiziledi.
Búgingi kúni barlyq áskerı bólimderde komandırlerdiń sheshimimen attestattaý komıssııasy quryldy. Olarǵa áskerı qyzmetshilerge jasalǵan attestattaý materıaldaryn qaraý jáne olardyń qyzmetti ári qaraı ótkerýi jóninde tıisti sheshim qabyldaý júkteledi.
Attestattaý qorytyndysy boıynsha joǵary laýazymdarǵa ilgeriletý jáne oqýǵa jiberý úshin serjanttar (starshınalar) men sarbazdardyń (matrostar) rezervi qurylady.
2015 jyly Qazaqstan Qarýly Kúshteriniń ofıtserleri attestattaýdan ótkenin esterińizge sala keteıik. 100 % attestattalǵandardyń 97,4 % ózderiniń atqaryp otyrǵan laýazymdaryna sáıkestigin rastady.