Bıyl Qarýly kúshterde 7 sýıtsıd áreketi tirkelip, tórteýi qaıǵyly aıaqtalǵan

NUR-SULTAN. QazAqparat – QR Qorǵanys mınıstriniń orynbasary Darhan Ahmedıev Qarýly kúshter quramyndaǵy sýıtsıd áreketteri týraly statıstıkany málim etti, dep habarlaıdy QazAqparat tilshisi.

«Ondaı statıstıka bar. Meniń aldymda Bas áskerı medıtsınalyq basqarma bastyǵynyń anyqtamasy jatyr. Biraq ol statıstıka shynymen qaıǵyly», - dedi vıtse-mınıstr Ortalyq kommýnıkatsııalar qyzmetinde ótken brıfıngide.

Mınıstrdiń orynbasary áskerıler arasyndaǵy sýıtsıd derekterin eldegi jalpy statıstıkamen salystyra aıtyp berdi.

«Bıylǵy 5 aıdyń ishinde Qazaqstanda 4318 aıaqtalǵan sýıtsıd tirkelgen. Sonyń ishinde tórteýi Qarýly Kúshterde bolǵan. Sýıtsıd áreketteri – 4942. Onyń ishinde Qarýly kúshterdegisi –7. ıAǵnı bul 0,6 paıyzy. Bul jerde men osy sandardyń artyna jasyraıyn dep turǵan joqpyn, durys túsinińizder. Jańa da aıtqanymdaı, arnaıy top quryldy. Sol top sýıtsıd derekterin azaıtý boıynsha jumys júrgizip jatyr»,- dedi Darhan Ahmedıev

Buǵan deıin QR Qorǵanys mınıstrligi atalǵan áskerıler arasyndaǵy sýıtsıd máselesi týraly túsinikteme bergen bolatyn.

Foto: press-slýjba STsK