Bıyl Qaraǵandyny abattandyrýǵa 9,6 mlrd teńge bólindi
QARAǴANDY. QazAqparat - Qaraǵandyda aýlalardy abattandyrý, úılerdiń qasbetteri men shatyrlaryn, kireberis joldar men oramishilik joldardy jóndeý jumystary júrgizilip jatyr.
Tapsyrystyń kóp bolýynyń arqasynda jergilikti qurylys materıaldary da suranysqa ıe. Óńirimizdiń merdigerleri men óndirýshileri bar qarqynmen jumys istep jatyr.
Bıyl Qaraǵandyny abattandyrýǵa 9,6 mlrd teńge bólindi. Bul qarjyǵa «Jumyspen qamtýdyń jol kartasy» aıasynda 421 aýla, 46 oramishilik joldar jóndeledi, 119 jaıaý júrginshiler joldaryna faldar salynady jáne 269 balalar men sport alańdary ornatylady. Sondaı-aq, bıýdjet esebinen 212 kópqabatty úıdiń qasbetteri men shatyrlary retke keltiriledi.
Bul jumystarǵa shamamen 2 700 adam qatysady. Olardyń jartysyn halyqty jumyspen qamtý ortalyǵy arqyly jumysqa ornalastyrady.
- «Jumyspen qamtýdyń jol kartasy» baǵdarlamasy aıasynda biz 12 aýlaǵa balalar men sport keshenderin ornatýǵa baıqaýdy jeńip aldyq. Bul bizdiń kompanııa úshin úlken kómek. Karantın kezinde toqtap qalǵan edik - jumys bolǵan joq. Qazir biz burynǵy jumys retine qaıta kóshemiz. Bizdiń kompanııada jumys isteıtin 20 adam bar, olardyń bir bóligin biz jumyspen qamtý ortalyǵy arqyly taýyp aldyq. Olardyń barlyǵy qazir jumysqa jumyldyrylyp, jalaqy alady, - deıdi «LıderStroıGrýp» kompanııasynyń ókili Tımýr Myńbaev.
Qalanyń basqa aýlalarynda alańdardy «KKK LTD» kompanııasy ornatady. Osy jazda merdiger 142 oıyn jáne sport keshenin jabdyqtaıdy. Jumystarǵa kirisip ketken.
- Biz qaraǵandylyq «KARAT» JShS óndirýshisimen jumys isteımiz. Olardyń trenajerlary men oıyn keshenderi myqty, jáne olardyń baǵasy biz úshin óte tıimdi. Biz óz alańdarymyzǵa 2 jyl kepildik beremiz. Eger osy ýaqyt ishinde bir nárse synsa, biz barlyǵyn óz esebimizden qalpyna keltirýge mindettimiz. Sondyqtan, biz senimdi, tekserilgen óndirýshilermen jumys istegendi qalaımyz, olardyń ónimderiniń sapasyna senimdi bolýymyz kerek», - deıdi merdiger kompanııanyń ókili Symbat Toǵaı.
Aýqymdy abattandyrýdyń arqasynda Qaraǵandy oblysynyń zaýyttary da óndiris kólemin arttyrýda. Osylaısha jaryqtandyrý tirekterin, jaryqdıodty shamdardy jáne elektr montajdaý jabdyqtaryn óndiretin «LTO energojúıesi» kásiporny 1 500 tirekke tapsyrys aldy. Olardyń barlyǵy aýlalarda jáne jaıaý júrginshiler joldarynyń boıyna ornatylady.
«Karantın kezinde óndiris kólemi tómendedi. Biz 40 qyzmetkerdi demalysqa jiberýge májbúr boldyq. Qazir ádettegi jumys rejımine oralamyz, sondyqtan barlyq qyzmetkerler qaıtadan jumys oryndarynda», - deıdi kompanııanyń bas dırektory Talǵat Baıǵabilov.
Qaraǵandy qalasynyń jumyspen qamtý ortalyǵynda áli de birqatar bos jumys orny bar. Ártúrli jumys isteıtinder, shatyr jabýshylar, jıek jáne kesek tas tóseýshi mamandar suranysqa ıe. Osyndaı jumyskerlerdiń eń tómengi jalaqysy 80 myń teńgeni quraıdy.
