Bıyl Qaraǵandyda qansha turǵyn úı salynatyny jarııa etildi
ASTANA. QazAqparat - 2017 jyly Qaraǵandynyń keıbir aýdandarynyń kelbeti ózgeredi. Bos oryndarǵa kóp qabatty turǵyn úıler salynady. Olardyń keıbiri arendalyq bolsa, keıbiri jas otbasylarǵa arnalǵan baǵdarlama boıynsha beriledi, dep habarlaıdy oblys ákiminiń baspasóz qyzmeti.
1 128 otbasy «Panel-Ortalyq» shaǵyn aýdanyndaǵy jalpy aýdany 59 sharshy metrdi quraıtyn úsh úıge qonystandyrylady. Osy shaǵyn aýdanda 24 qabatty turǵyn úı salynbaq. Onyń janyna taǵy da altaýy boıy kóteredi.
«Shapaǵat» shaǵyn aýdanynda №3-4 jáne №8-11 blok sektsııalarynyń qurylysy aıaqtalýda. Onda «Besoba» qulaǵannan keıin baspanasyz qalǵandar qonystanady. Munymen qosa, turǵyn úı kesheniniń úshinshi kezeginiń qurylysy bastaldy. Nátıjesinde 288 páter paıdalanýǵa beriledi.
Bıyl arendalyq baspana qory úshin 14-shi shaǵyn aýdanda bes qabatty turǵyn úı turǵyzylmaq. Jospar boıynsha onda 60 páter bolady. Keıin osy alańda taǵy da úsh turǵyn úı salynatyn bolady.
Sheneýnikter «Kúngeı» shaǵyn aýdanynda jeke turǵyn úı qurylysy úshin 562 ýchaske bóldi.
Belınskıı kóshesindegi qurylysy aıaqtalmaǵan turǵyn úıge bılik basa nazar aýdaryp otyr. Baspananyń qurylysy Óńirlerdi damytý - 2020 baǵdarlamasynyń «jas otbasy» baǵyty boıynsha júrgizilýde. Qurylysty aıaqtaý úshin 400 mıllıon teńge qajet. Turǵyn úı qurylysyn qalalyq bıýdjetten qarjylandyrý úshin ony kommýnaldyq baspanaǵa aınaldyrý josparlanǵan.
