Bıyl Qaraǵandy oblysynda 560 kópbalaly otbasyǵa páter beriledi
2019 jyly Qaraǵandy oblysynda jalǵa beriletin turǵyn úı baǵdarlamasy boıynsha 11 kópqabatty úı salynyp, ekinshi naryqtan 204 páter satyp alynady. Bul maqsattarǵa respýblıkalyq jáne oblystyq bıýdjetten qarajat bólindi.
Oblys ákimdiginiń apparattyq jınalysynda aıtylǵandaı, bıyl oblysta 756 januıa baspanaly bolady. Olardyń 560-y kópbalaly otbasy.
Mamyr aıynyń basynda 27 kópbalaly otbasy jańa páterdiń kiltin aldy. Jańa baspanaǵa osy aıdyń sońyna deıin taǵy 106 kóp jandy úı kóshedi.
Halyqtyń áleýmettik osal toptaryna arnalǵan 260 páter Saran, Temirtaý, Prıozersk, Buqar jyraý, Aqtoǵaı, Shet jáne Jańaarqa aýdandarynda paıdalanýǵa beriledi. Oblys ákimi Erlan Qoshanov seriktes qalalar men oblys ortalyǵyndaǵy qurylys qarqynyn arttyrýdy tapsyrdy.
Oblystyq bıýdjetten «Turǵyn úı qurylys jınaq banki» arqyly jyldyq mólsherleremesi 2% quraıtyn ıpotekalyq nesıe berý úshin mıllıard teńge bólindi. Bul somaǵa 159 nesıe berilmek.
