Bıyl Qaraǵandy oblysynda 55 jańa sport alańy salynady

QARAǴANDY. QazAqparat – Qaraǵandy oblysynda bıyl tórt jańa dene shynyqtyrý-saýyqtyrý kesheniniń, eki basseınniń qurylysyn aıaqtaý josparlanýda. Sondaı-aq, bılik ókilderi 55 jańa sport alańyn ornatýǵa ýáde berip otyr, dep habarlaıdy QazAqparat tilshisi.

«Oblysta 1402 dene shynyqtyrý jáne sport uıymy jumys isteıdi, onda 456 myń adam shuǵyldanady. Jalpy bilim beretin mektepterde 4 358 sektsııa, kolledjderde - 431, JOO-da 126 sektsııa jumys isteıdi. Óńirde 3280 sport nysany bar, onyń 1267-si aýyldyq jerlerde», – dedi óńirdegi dene shynyqtyrý jáne sport basqarmasynyń basshysy Temirhan Abylaev.

Sonymen qatar, aımaqta sport nusqaýshylary jetispeıdi, ásirese aýylda sala mamandary qat. Jergilikti bılik bul máseleni jattyqtyrýshylardyń jalaqysyn kóterý arqyly sheshýge nıetti.

Basqarma basshysynyń aıtýynsha, barlyq jastaǵy sport áýesqoılary úshin endi óńirlik jarystar kóbirek ótkiziletin bolady. Jylyna tórt ret marafon uıymdastyrý josparlanýda.