Bıyl Qaraǵandy oblysynda 50 myńnan astam adamdy jumyspen qamtý josparlanyp otyr

QARAǴANDY. QazAqparat – Bıyl Qaraǵandy oblysynda 50 myńnan astam adamdy jumyspen qamtý josparlanyp otyr. Óńirde kásipkerlikti damytýdyń ulttyq jobasy boıynsha iri kásiporyndarda jańa jumys oryndary qurylatyn bolady, dep habarlaıdy QazAqparat.

Eńbekpen qamtý sharalary týraly jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekova vedomstvonyń Instagram paraqshasynda tikeleı efırde baıandady.

«Bıylǵy jyly Óńirlik jumyspen qamtý kartasy bekitildi, oǵan sáıkes 54 myń adamdy jumysqa ornalastyrýdy josparlap otyrmyz. Onyń ishinde ulttyq jobalardy iske asyrýdyń arqasynda – 5 myń, bos oryndarǵa – 22 myń, jeke bastamalar sheńberinde – 17 myń. Sáýir aıyndaǵy jaǵdaı boıynsha jumyspen qamtý sharalarymen 8 myń jumyssyz qamtyldy, onyń ishinde 6 myńǵa jýyǵy jumysqa ornalasty jáne kepildi aılyq tabysy bar», – dedi Ásem Júnispekova.

Kásipkerlikti damytýdyń ulttyq jobasy boıynsha óńirdiń 31 myń turǵyny Jumyspen qamtý sharalarymen qamtylady. Onyń ishinde izdenýshiler «Jastar praktıkasy», «Birinshi jumys orny», «Urpaqtar kelisimsharty», «Kúmis jas» jobalary boıynsha sýbsıdııalanatyn jumys oryndaryna joldama alady.

Óńirdiń iri kásiporyndarynda, sonyń ishinde Saran ındýstrııalyq aımaǵynda, Nura jáne Buqar Jyraý aýdandarynda jáne Temirtaýda jańa jumys oryndary qurylatyn bolady.

Qysqa merzimdi kýrstarda 1551 adam oqıdy. Oblystyń myńnan astam turǵyny Skills Enbek platformasy arqyly mamandyq ala alady.