Bıyl qańtar-maýsym aılarynda elimizdegi azyq-túlik taýarlarynyń baǵasy 8 paıyzǵa qymbattady
ASTANA. 14 shilde. QazAqparat /Rýslan Ǵabbasov/ - Bıylǵy jyldyń qańtar-maýsym aılarynda elimizdegi azyq-túlik taýarlarynyń baǵasy 8 paıyzǵa qymbattady.
Bul týraly búgin QR Statıstıka agenttiginde taratylǵan málimetterden belgili boldy.
«Tutyný baǵalarynyń ındeksi 2011 jylǵy maýsymda 2010 jylǵy jeltoqsanmen salystyrǵanda 105,1 paıyzdy qurady. Azyq-túlik taýarlaryna baǵalar 8 paıyzǵa, azyq-túlik emes taýarlarǵa - 2,5 paıyzǵa, aqyly qyzmetter kórsetýge - 4,1 paıyzǵa artty. Ónerkásip ónimin óndirýshi kásiporyndar baǵalary 2011 jylǵy maýsymda 2010 jylǵy jeltoqsanmen salystyrǵanda 20,7 paıyzǵa artty», - delingen taratylǵan málimetterde.
