Bıyl qansha týrıst demalysyn Alakól jaǵalaýynda ótkizbek
«KazakhTourism» dereginshe, Alakól jaǵalaýynda ashylǵan jańa demalys oryndary demalýshylar sanynyń kóbeıýine yqpal etip otyr.
«Resmı statıstıka boıynsha, byltyr kóldiń Almaty jaq jaǵalaýyna 230 myńnan astam adam demalýǵa barǵan. 2022 jyly 400 myńǵa jýyq adam demalady dep kútiledi. Al, ótken jyly kóldiń Abaı oblysy jaǵynda ornalasqan demalys oryndaryna 100 myńǵa jýyq adam bardy. Bul oraıda, bir kúnge barǵan demalýshylardy da aıta ketken jón. Jergilikti atqarýshy organdardyń monıtorıngine sáıkes, bir kúndik týrısterdi qosa alǵanda byltyr munda shamamen 350 myń adam demalysyn ótkizgen. Bıylǵy maýsymda Alakól jaǵalaýy 420 myńnan astam týrısti qabyldaýǵa qaýqarly», - dep málim etti ulttyq kompanııanyń baspasóz qyzmetinen.
Demalysyn erte josparlaǵan qazaqstandyqtar poıyz bıletterin 1-2 aı buryn satyp alǵan. «Atameken» UKP aqparatyna sáıkes, endi bılet tapshylyǵy sezilip otyr. Sonymen qatar, jóndeýge jabylǵan Úrjar jáne Úsharal áýejaılary áli ashylǵan joq.
