Bıyl qansha tonna munaı óńdeledi

ASTANA. Qazaqparat - 2018 jyldyń ekinshi jartyjyldyǵynda janar-jaǵarmaı ónimderin eksportqa shyǵarýǵa múmkindik týady. Bul týraly búgin QR Energetıka mınıstrliginiń keńeıtilgen alqa májilisinde vedomstvo basshysy Qanat Bozymbaev aıtty, dep habarlaıdy QazAqparat.

«2017 jyldyń basty oqıǵasy Pavlodar men Atyraý munaı óńdeý zaýyttaryn rekonstrýktsııalaý jáne jańǵyrtý jobalarynyń aıaqtalýy boldy. 2018 jyly Shymkent munaı óńdeý zaýytyn jańǵyrtýdy aıaqtaý josparlanǵan. 2018 jyly munaı óńdeý kólemi 1,1 mln tonnaǵa artyp, 16 mln tonnany quraıtyn bolady», - dedi mınıstr.

Onyń aıtýynsha, elimizdiń jańǵyrtylǵan barlyq munaı óńdeý zaýyttary  jobalyq qýatyna shyqqannan keıin 2018 jyldyń ekinshi jartyjyldyǵynan bastap ishki naryq munaı ónimderimen qamtamasyz etiledi. Benzınge, dızel otynyna jáne avıakerosınge táýeldilik joıylady. Tereń qaıta óńdeý kólemi 63-ten 83 paıyzǵa deıin artady. K4 jáne K5 ekologııadyq sanatyndaǵy ónimder shyǵarylady jáne janar-jaǵarmaıdy eksportqa shyǵarý múmkindigi týady.

«Іshki naryqta otandyq janar-jaǵarmaımen qamtamasyz etý benzın boıynsha 90, dızel otyny boıynsha 90 jáne avıakerosın boıynsha 70 paıyzdy quraıtyn bolady», - dedi ol.