Bıyl qansha gektar jer memleket menshigine qaıtaryldy
«Qazirgi kezde aýyl shaýrashylyǵy maqsatyndaǵy jerlerdi qorǵaý salasyndaǵy baqylaý fýnktsııalaryn tıisti oblystar aýdandarynyń jergilikti atqarýshy organdary júzege asyrady. Bul rette, QR Prezıdentiniń 2019 jylǵy 26 jeltoqsandaǵy № 229 «Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Jarlyǵymen 2020 jylǵy 1 qańtardan bastap 2023 jylǵy 1 qańtarǵa deıin Qazaqstanda shaǵyn kásipkerlik sýbektilerine, onyń ishinde shaǵyn kásipkerlik sýbektilerine barýmen tekserý ári profılaktıkalyq baqylaý júrgizýge moratorıı engizilgendigin atap ótý qajet. Jer ýchaskelerin májbúrlep ıelikten shyǵarý QR Jer kodeksiniń 92-94 baptaryna kórsetilgen sharalardan keıin júzege asyrylady, alaıda atalǵan sharalardy moratorıge baılanysty júzege asyrý múmkin emes», - delingen QR Aýyl sharýashylyǵy mınıstrliginiń «QazAqparattyń» saýalyna oraı berilgen jaýapta.
Degenmen, paıdalanylmaı jatqan aýyl sharýashylyǵy jerlerin qaıtarý máselesi erekshe mańyzǵa ıe.
«Sol sebepten, mınıstrlikpen jerdiń paıdalanylýyn ǵaryshtyq monıtorıngteý ádisi engizilip, Aqmola, Qostanaı, Shyǵys Qazaqstan jáne Mańǵystaý oblystarynda pılottyq iske qosyldy. 2019 jyldyń qazan aıynda zańnamalyq norma qabyldandy, al bıyldyń qańtar aıynda Jerdi qashyqtyqtan zondtaý derekteri boıynsha veb-portalda paıdalanylmaıtyn aýyl sharýashylyǵy jerlerin anyqtaýdyń tsıfrlyq tetigin aıqyndaıtyn buıryq qabyldandy. Júrgizilgen jumystardyń nátıjeleri boıynsha 2020 jyldyń ishinde 2,6 mln gektardan astam paıdalanylmaǵan jaıylymdar erikti túrde memlekettik menshikke qaıtaryldy», - dep naqtylandy vedomstvo mamandary.
