Bıyl qandaı joldar aqyly bolady
«Búgingi tańda respýblıkada uzyndyǵy 682 shaqyrymdy quraıtyn aqyly 4 jol ýchaskesi bar. Olar: «Nur-Sultan – Shýche», «Nur-Sultan – Temirtaý», «Temirtaý – Qorǵas», «Almaty – Qapshaǵaı» joldary. 2020 jyldyń 20 sáýirindegi jaǵdaıǵa sáıkes, aqyly joldardan jınalǵan qarajat kólemi 1 103,6 mln teńgeni quraıdy«, - dedi ol.
Komıtet basshysynyń aıtýynsha, joldarda tólem alý júıesin aldaǵy ýaqytta da engizý maqsatynda 2019 jyly ınvestıtsııalyq konkýrstyń qorytyndylary boıynsha «Computer Vision Technologies» JShS basqaratyn konsortsıýmmen kelisimshart jasalǵan. Atalǵan qujatqa sáıkes, konsortsıým 11 myń shaqyrym jolda tólem alý júıesin ornatý jáne ony kútip ustaý mindetin alady. Joba quny 138, 8 mlrd teńgeni quraıdy.
«Kelisim aıasynda osy jyly rekonstrýktsııadan ótken uzyndyǵy 5,7 myń shaqyrymdy quraıtyn joldarda tólem alý júıesi engiziledi dep josparlanýda. Joldardyń qalǵan 5,3 myń shaqyrymy qaıta jańartý jumystarynan ótkizilý merzimine oraı 2024 jylǵa deıin aqyly bolady. Búgingi tańda ınvestor jol ýchaskelerin zerttep, baqylaý arkalaryn ornatý oryndaryn belgiledi. Sondaı-aq, jobalyq zertteý jumystary júrgizilip jatyr», - dedi Saıranbek Barmaqov.
Al «QazAvtoJol» UK» AQ basqarma tóraǵasy Ulan Álipovtiń dereginshe, bıyl Shymkent – Ózbekstan shekarasy, Qapshaǵaı – Taldyqorǵan, Oral – RF shekarasy, Nur-Sultan – Pavlodar, Qyzylorda – Shymkent – Taraz, Aqtóbe – Oral – RF shekarasy syndy joldarda tólem alý júıesin engiziledi.
