Bıyl K. Baıseıitova atyndaǵy teatrdyń ǵımaratyna Qallekı teatry ornalasady - Mádenıet mınıstri
Bul týraly búgin Ortalyq kommýnıkatsııalar qyzmetindegi brıfıngte QR Mádenıet mınıstri Arystanbek Muhamedıuly málim etti.
«Halqymyzdyń teatrǵa degen kózqarasy erekshe. Osy oraıda tetrlardy damytý máselesi boıynsha Parlamentte úlken jınalys bolady. Teatr ónerdiń bir baǵyty ǵana emes, sonymen qatar elimizdiń rýhanı baılyǵy, ıaǵnı ıdeologııalyq turǵyda ózindik ereksheligi bar. Ózderińiz bilesizder, K. Baıseıitova atyndaǵy Ulttyq opera jáne balet teatrynyń negizinde «Astana Opera» teatry ashyldy. K. Baıseıitova atyndaǵy teatrdyń ǵımaraty osy jyly mindetti túrde Q. Qýanyshbaev atyndaǵy teatryna beriledi», - dedi mınıstr.
A. Muhamedıulynyń sózine qaraǵanda, aldaǵy ýaqytta teatrlar máselesi boıynsha aýqymdy jumystar atqarylady.
Esterińizge sala keteıik, Qazaqstan Respýblıkasy Úkimetiniń 2014 jylǵy 3 aqpandaǵy № 43 qaýlysymen Qazaqstan Respýblıkasy Mádenıet jáne aqparat mınıstrligi Mádenıet komıtetiniń «Kúlásh Baıseıitova atyndaǵy ulttyq opera jáne balet teatry» respýblıkalyq memlekettik qazynalyq kásiporny taratylady.
