Bıyl ІT salanyń granttaryna 16 myń talapker talasýy múmkin
«Pánder kombınatsııasy boıynsha matematıka men fızıka kósh basynda tur. Óıtkeni tehnıkalyq mamandyqtarǵa grant óte kóp bólinip otyr. Ekinshi orynda «bıologııa-hımııa» kombınatsııasy tur. Bul negizinen medıtsınalyq mamandyqtardy tańdaǵandar. Sondaı-aq, úshinshi orynda shyǵarmashylyq kombınatsııa tańdaǵandar tur. Shyǵarmashylyq mamandyqqa túsetinde UBT-da eki pánnen ǵana test tapsyrady. Al ózderiniń beıindi pánderinen túsetin oqý ornynda test tapsyrady. Bıyl abıtýrıentterdiń 10 paıyzy «matematıka-ınformatıka» kombınatsııasyn tańdady. Bul kombınatsııa buryn bolmaǵannyń ózinde 16 myńdaı talapker tańdaǵan», - dedi ol Ortalyq kommýnıkatsııalar qyzmetinde ótken brıfıngide.
Sondaı-aq, Rýslan Emelbaev byltyrǵy statıstıkamen bıylǵy kórsetkishterdi salystyrdy.
«Byltyr 80 myńnan astam talapker grant konkýrsyna qujat ótkizgen. Onyń ár tórtinshisi, ıaǵnı, 22 myńy pedagogıkalyq mamandyqqa tapsyrǵan. Ol kezde tehnıkalyq mamandyqtar ekinshi orynda bolǵan. Úshinshi orynda ІT sala, tórtinshi orynda medıtsına bolǵan.
Matematıka-ınformatıka kombınatsııasyn tańdaǵan talapkerler bıyl úsh baǵyt boıynsha ǵana grantqa talasa alady. Ol - aqparat tehnologııalary, aqparat qaýipsizdigi jáne ınformatıka pániniń muǵalimi. 2023 jylǵa deıin talapkerler ІT salaǵa «matematıka-fızıka» kombınatsııasy boıynsha test tapsyryp túsetin. Endi «matematıka-ınformatıka» kombınatsııasyn tańdaǵan 16 myń bala bolashaǵyn ІT-salamen baılanystyryp otyr degen sóz», - dedi ortalyq dırektory.
