Bıyl ınflıatsııany 2 ese tómendetý kerek – Úkimet basshysy
«Investıtsııa úshin jahandyq básekelestik jaǵdaıynda strategııalyq ınvestorlardy tartý jumysyn kúsheıtý qajet. Investorlardyń árqaısysymen tikeleı jumys istep, kelissózderdiń ár satysyn baqylaýǵa alý kerek», - dedi Premer-Mınıstr.
Úkimet basshysy mınıstrlikter men óńir ákimdikteri osy baǵyttaǵy belsendi jumysty jalǵastyrýy tıistigin basa aıtty.
«Aldymyzda turǵan asa mańyzdy mindettiń biri – baǵanyń ósýin tejeý. Qabyldanyp jatqan sharalardyń nátıjesinde 6 aıdyń qorytyndysy boıynsha ınflıatsııanyń jyldyq kórsetkishi 14,6 paıyzǵa deıin tómendedi. Degenmen, osy jyly ınflıatsııany 2 ese tómendetý kerek. Bul bizdiń bárimizden úılesimdi jáne júıeli jumystardy talap etedi. Saýda mınıstrligi múddeli memlekettik organdarmen birlesip, ınflıatsııany josparly mánge deıin tómendetý sharalaryn qamtamasyz etýi qajet», - dedi Álıhan Smaıylov.
