Bıyl Indýstrııalandyrý kartasy boıynsha 100 joba engiziledi
ASTANA. QazAqparat - Bıylǵy jyly Qazaqstanda Indýstrııalandyrý kartasynyń quny 700 mlrd teńge bolatyn 100 jobasyn engizý kózdelip otyr, dep habarlaıdy QR Investıtsııalar jáne damý mınıstrliginiń baspasóz qyzmeti.
Sonyń ishinde bıylǵy jyldyń birinshi toqsanynda quny 7,6 mlrd teńge bolatyn 10 joba iske qosylyp, 415 turaqty jumys orny quryldy. Sondaı-aq quny 3,7 trln teńge bolatyn 320 joba daıyndalýda. Ony aıasynda 36 myń turaqty jumys orny qurylady degen jospar bar.
Otandyq kásiporyndardy tehnologııalyq jaǵynan jańǵyrtý maqsatynda jyl sońynda ónerkásiptiń bazalyq salalaryn tehnologııalyq jaǵynan qaıta jaraqtandyrý boıynsha keshendi sharalardy bekitý josparlanyp otyr.
Jalpy alǵanda Indýstrııalandyrý kartasy aıasyndaǵy jobalar boıynsha ótken jyly quny 2,2 trln teńgeniń ónimi óndirilip, olardyń 1,4 trln teńgesi qaıta óńdeý ónerkásibine tıesili boldy.
Ortasha alǵanda Indýstrııalandyrý kartasynyń aıasynda engizilgen jobalar aı saıyn 180 mlrd teńgeniń ónimderin óndirip otyr.
