Bıyl Indýstrııalandyrý kartasy aıasynda 700 mlrd teńgeniń 100-den astam jobasy iske qosylady
«Mınıstrlikke qarasty negizgi salalarda damýdyń oń dınamıkasy baıqalyp otyr. Bul qabyldanǵan memlekettik qoldaý sharalary men álemdik naryqtaǵy bazalyq metaldar baǵasynyń turaqtylyǵynyń arqasynda múmkin boldy. Birinshi toqsanda ónerkásip óndirisiniń kólemi 5,8, taý-ken ónerkásibinde 5,6 paıyzǵa artty. Bul tústi metaldar kenin óndirý kóleminiń 10,8 jáne temir kenin óndirý kóleminiń 11,4 paıyzǵa ósýimen baılanysty», - dedi mınıstr.
Onyń dereginshe, aǵymdaǵy jyldyń birinshi toqsanynyń qorytyndysy boıynsha óńdeý salasynda 6,5 paıyzǵa turaqty oń ósim boldy. Otandyq ekonomıkadaǵy bul oń úrdis ındýstrııalandyrý saıasatynyń arqasynda qalyptasty. «ArselorMıttal Temirtaýda» bolat óndirisi 7, «Kazhromda» ferroqorytpa 8, «Kaztsınkte» qorǵasyn óndirisi 10, altyn óndirisi 12, «Qazaqmys» korporatsııasynda mys óndirisi 2, altyn óndirisi 6, «Óskemen tıtan-magnıı kombınaty» AQ-ynda tıtan quımalary óndirisi 5 paıyzǵa ósti.
Aǵymdaǵy jyly Indýstrııalandyrý kartasy boıynsha shamamen 700 mlrd. teńge bolatyn 100-den astam jobany iske qosý kózdelip otyr. 10 myń turaqty jumys orny ashylady. Onyń ishinde bıylǵy jyldyń birinshi toqsanynda 7,6 mlrd. teńgeniń 10 jobasy iske qosyldy. 415 turaqty jumys orny quryldy», - dedi Qasymbek.
