Bıyl Indýstrııalandyrý baǵdarlamasy aıasynda 20 myń jumys orny ashylady

NUR-SULTAN. QazAqparat - Bıyl Indýstrııalandyrý baǵdarlamasy aıasynda 20 myń jumys orny ashylady. Bul týraly búgin Úkimet úıindegi baspasóz máslıhatynda QR Indýstrııa jáne ınfraqurylymdyq damý vıtse-mınıstri Amanııaz Erjanov aıtty, dep habarlaıdy QazAqparat tilshisi.

"Bıyl biz 1,1 trln teńgege 20 myń turaqty jumys ornyn qurý arqyly Indýstrııalandyrý kartasynyń 120-dan astam jobasyn iske qosýdy josparlap otyrmyz. 2019 jyly 4 aı ishinde 8 mlrd teńgeniń 10 jobasy iske qosylyp, 317 turaqty jumys orny ashyldy", - dedi vıtse-mınıstr.

Onyń dereginshe, 2015 jyldan bastap elimizde júzege asyrylyp jatqan ındýstrııalandyrýdyń ekinshi besjyldyǵy bıyl aıaqtalady. Ótken jyly Indýstrııalandyrý kartasy aıasynda 1,3 trln teńgege 102 joba iske qosylyp, 13 myńnan astam turaqty jumys oryndary ashylǵan.

"Al osy jyldyń 5 aıynyń qorytyndysynda ónerkásip 2, taý-ken sektory 0,7 jáne óńdeý ónerkásibi 3,6 paıyzǵa ósti", - dedi Amanııaz Erjanov.

Mınıstrlik dereginshe, 2019 jyldyń 4 aıynda óńdelgen ónim eksportynyń kólemi 5 mlrd AQSh dollaryna jetti. 1 toqsandaǵy óńdeý ónerkásibiniń eńbek ónimdiligi 2 750,1 myń teńgeni qurady. Al 5 aıda óńdeýshi ónerkásiptiń negizgi kapıtalyna salynǵan ınvestıtsııa kólemi 254,5 mlrd teńge boldy.