Bıyl halyqaralyq Tour of Almaty velokópkúndigi ótkizilmeıdi
NUR-SULTAN. QazAqparat - Bıyl halyqaralyq Tour of Almaty velokópkúndigi ótkizilmeıdi, dep habarlaıdy QazAqparat tilshisi.
Bul jóninde Astana Pro Team komandasynyń bas menedjeri Aleksandr Vınokýrov Olympic.kz saıtyna málim etti.
Onyń aıtýynsha, qazir elimizde koronavırýs ınfektsııasyna baılanysty vızalyq rejım toqtap tur. Ol sheteldik sportshylardyń Qazaqstanǵa kelýine shekteý jasaıdy. Sondyqtan jarys bıyl kásipqoılar arasynda ótkizilmeıdi. Esesine jarys jolyna áýesqoılar shyǵatyn bolady.
Esterińizge sala ketelik, Tour of Almaty velokópkúndigi 2013 jyldan beri uıymdastyrylyp keledi. Alǵashqy jarysta qazaqstandyq Maksım Iglınskıı máre syzyǵyn birinshi bolyp qıdy. Odan keıingi 2014-2017 jyldarda qazaqstandyq taǵy bir veloshabandoz Alekseı Lýtsenko qatarynan tórt márte altyn aldy. Al 2018 jyly ıtalıan sportshysy Davıde Vıllella jeńimpaz atansa, 2019 jyly qazaqstandyq ıÝrıı Nagarovtyń mereıi ústem boldy.
Bul jarys bıylǵy jyldyń tamyz aıyna josparlanǵan bolatyn.
