Bıyl Eýroodaqqa 710 myńnan astam mıgrant keldi
BRıÝSSELЬ. QazAqparat - Aǵymdaǵy jyldyń toǵyz aıynyń ishinde Eýroodaq aýmaǵyna 710 myńnan astam mıgrant kelgen. Bul týraly Syrtqy shekaralar qaýipsizdigi agenttiginiń («Fronteks») taratqan kommıýnıkesinde aıtylady.
«Bıylǵy jyldyń toǵyz aıynyń ishinde EO-nyń syrtqy shekaralarynan ótken mıgranttardyń jalpy sany 710 myń adamnan asqan», - delingen agenttiktiń habarlamasynda.
Mıgranttardyń eń kóp aǵyny grek araldaryna jiberildi. Atap aıtqanda, qańtardan qyrkúıek aıyna deıin Grekııaǵa 350 myń mıgrant keldi, sonyń ishinde kóp bóligin Sırııa bosqyndary qurap otyr.
Italııaǵa Lıvııadan kelgen adamdardyń sany, kerisinshe, azaıyp barady. Oǵan aýa raıynyń qolaısyz jaǵdaıy sebep bolyp otyr. Italııa bıligi jyl basynan beri 129 myń mıgrantty tirkegen, sonyń ishinde kóbi - Erıtreıa azamattary.
Bul rette resmı málimetterge qyrkúıektiń ekinshi jartysynda serb-vengr shekarasynyń jabylýynan keıin EO-qa Horvatııa arqyly kelgen 97 myń adam engizilgen joq.
EO kóshbasshylary kóshi-qon daǵdarysyn kezekti ret 15-16 qazan kúnderi Brıýsselde ótetin sammıtte talqylamaq.
