Bıyl esirtki saýdalaıtyn 604 saıt jabylǵan
ASTANA. QazAqparat – Bıyl elimizde 604 esirtki saıty jabylǵan. Úkimet otyrysynda Іshki ister mınıstri Marat Ahmetjanov osylaı dedi, dep habarlaıdy QazAqparat tilshisi.
«Esirtki bıznesi de tolyǵymen kıber salaǵa kóshti. «Telegram-bottar nemese basqa da ınternet resýrstar arqyly satý keńinen tarap jatyr. Mysaly, bıyl tirkelgen árbir jetinshi esirtki qylmysy ınternet arqyly satýmen baılanysty. Árıne, biz mundaı búrkenshik ınternet-dúkenderdi jaýyp jatyrmyz. Bıyl 604 esirtki saıtyn japtyq», - dedi ol.
Mınıstrdiń aıtýyna qaraǵanda, bul shara máseleni túbegeıli sheshpeıdi. Mundaı zańsyz kontentti toqtatý úshin mınıstrlik «Argýs», «Aırıs», «Trıton» sııaqty zamanaýı apparattyq-baǵdarlamalyq jabdyqtar satyp almaqshy.
«Olar – áleýmettik jeliler nemese saıttar arqyly esirtkiniń taralýyn anyqtaýdy avtomattandyrýǵa múmkindik beredi. Sondaı-aq «Kıberqadaǵalaý» júıesi mundaı saıttar ashylsa, olardy onlaın túrde buǵattaıdy. ıAǵnı, jasandy ıntellekt ózi anyqtap, dereý tosqaýyl qoıady. Sonymen qatar saıtty uıymdastyratyn jáne ony paıdalanatyn adamdardy anyqtaýǵa múmkindik bolady», - dedi Іshki ister mınıstri.
