Bıyl Esil ózeniniń arnasyn qaıta jóndeý jumystary júrgiziledi
ASTANA. QazAqparat - Astana qalasy ákimdiginiń Qurylys basqarmasy habarlaǵandaı, Astana qalasyn sý tasqyny zardabynan saqtaý úshin Esil ózeniniń salasyn rekonstrýktsııalaý boıynsha aǵymdaǵy jyly 18 nysandy júzege asyrý josparlanýda.
Olardyń ishinde 2015 jyly ózen salasyn qaıta qurýdyń 5-shi kezeginiń 4 nysanyn jobalaýdy bastaý josparlanyp otyr, sonyń ishinde Sý retteýshi bóget jobasy bar. 2016 jyly 14 nysannyń qurylysyn bastaý josparlansa, 2017-2018 jyldary Esil ózeniniń salasyn qaıta qurý boıynsha taǵy 4 nysandy salý josparlanýda. 5-shi bóliktiń 5 kezeginiń jobasynyń quramynda qala turǵyndary men qonaqtaryna arnalǵan jaǵajaı aımaǵy ornalasady, sonymen qatar qajetti ınfraqurylymy bar ózen aılaǵyn salý kózdelip otyr. Esil ózeniniń arnasyn qaıta jóndeý boıynsha ınvestıtsııalyq jobalardy júzege asyrýdaǵy basty maqsat Astana qalasyn ózen sýynan bolatyn sý tasqynynan qorǵaý men abattandyrylǵan jaǵalaý salý bolyp tabylady. Keshendi sharalardy atqarý arqyly ekologııalyq máseleler de óz sheshimin tabady, dep habarlaıdy astana.kz.
