Bıyl eńbek qaýipsizdigi salasynda 2 myńǵa jýyq ereje buzylǵan
«Aǵymdaǵy jyldyń 9 aıynda memlekettik eńbek ınspektorlary 7 054 tekserý júrgizip, onyń barysynda eńbek qaýipsizdigi jáne eńbekti qorǵaý salasynda 1 791 buzýshylyq anyqtaldy. Jumys berýshilerge buzýshylyqtardy joıý týraly 344 uıǵarym shyǵarylyp, 21,2 mln teńge somaǵa 151 ákimshilik aıyppul salyndy», - dep atalyp ótken Eńbek jáne halyqty áleýmettik qorǵaý mınıstrligi málimetinde.
Atap aıtqanda, zańdy jáne jeke tulǵalardyń eńbek qaýipsizdigi jáne eńbekti qorǵaý máseleleri boıynsha 631 ótinishi qaralyp, óndiristegi jazataıym oqıǵalarǵa 882 arnaıy tekserý júrgizildi. Qyzmetkerlerdiń ómiri men densaýlyǵyna naqty qaýip tónýine baılanysty memlekettik eńbek ınspektorlarynyń talaby boıynsha jumys berýshiler eńbek qaýipsizdigi jáne eńbekti qorǵaý jónindegi qaǵıdalardy buzǵany úshin 47 adamdy atqaryp otyrǵan qyzmetinen bosatty. 11 qural-jabdyq, 2 óndiristik nysan jáne 7 uıymnyń qyzmetine tyıym salyndy. 820 is quqyq qorǵaý organdaryna berildi, olar boıynsha 116 qylmystyq is qozǵaldy.
«Jalpy, memlekettik organdar men jumys berýshiler qabyldaǵan eńbekti qorǵaý salasyndaǵy keshendi sharalar óndiristik jaraqattanýdy tómendetý boıynsha oń dınamıkany saqtaýǵa múmkindik berdi», - delingen mınstrlik habarlamasynda.