Bıyl elordanyń jalpy óńirlik ónim kólemi 3,1%-ǵa ósti

ASTANA. QazAqparat – Búgin elorda máslıhatynda 2023-2025 jyldarǵa arnalǵan Astana qalasynyń bıýdjet jobasyn talqylaý boıynsha áleýmettik-mádenı damý máseleleri jónindegi turaqty komıssııanyń otyrysy ótti, dep habarlaıdy QazAqparat tilshisi.

Maslıhat depýtattarynyń aldynda baıandama jasaǵan ekonomıka jáne bıýdjettik josparlaý basqarmasynyń basshysy Qaısar Mańqaraev qalanyń bıylǵy 9 aı ishindegi áleýmettik-ekonomıkalyq damý kórsetkishterine toqtaldy. Onyń sózinshe, bas shahardyń ekonomıkalyq ósý tendentsııasyn turaqty.

Basqarma basshysy Astananyń damýyn aıqyndaıtyn negizgi ındıkator - jalpy óńirlik ónim kólemi ekenin atap ótti. Ol keltirgen derek boıynsha 2022 jyldyń II jartyjyldyǵynda elordanyń JÓÓ 3,6 mlrd teńgeni quraǵan. Bul ótken jyldyń sáıkes kezeńimen salystyrǵanda 3,1 paıyzǵa artyq. Al bas shahardyń elimizdiń jalpy ishki ónimindegi úlesi 9 paıyz.

Sonymen qatar, Astana qalasy polıtsııa departamenti bastyǵynyń orynbasary Gosman Jakın 2023 jylǵy bıýdjet jobasynda qosymsha shyǵystardy eskerýdi usyndy. Onyń málimetine sáıkes, nashaqorlyq, esirtki qylmysynyń aldyn alý, turǵyn úı tólemderi, qyzmetkerlerge ústemeaqy berý, kıim-keshek qajettilikteri men «Tsıfrlyq polıtsııa» jobasyn iske asyrý qosymsha qarajatty talap etedi.