Bıyl elordanyń qaı aýdandary gazǵa qosylatyny aıtyldy

NUR-SULTAN. QazAqparat – «Nur-Sultan ákimi Altaı Kólginov bıyl gaz tartylatyn aýdandardy atady, dep habarlaıdy QazAqparat tilshisi.

«Bıyl jeke sektorda gaz Kóktal-1 men Kóktal-2, Agroqalashyqqa tartylady. Almaty aýdanynda Jeleznodorojnyı men Sılıkatnyı turǵyn alaby jáne Ońtústik-shyǵystyń bir bóligi qamtylady. Jalpy, Ońtústik-shyǵys kelesi jylǵa josparlanǵan, alaıda kesteni erterek oryndap, úıderdiń bir bóligine gaz tartýdamyz. Sonymen qatar, JEO-1/JEO-2 nysandaryn gazǵa kóshirý eskerilgen», - dedi elorda ákimi «Astana» telearnasyna bergen suhbatynda

Onyń sózine qaraǵanda, jeke sektorda barlyq kósheler boıynsha tıisti qubyrlar tartylýda.

Ákimniń paıymynsha, gazdandyrý qaladaǵy ekologııany jaqsartýǵa yqpal etedi.

Budan buryn habarlanǵagndaı, bıil jazda Nur-Sultanda alǵashqy áleýmettik nysandar men turǵyn úıler kógildir otynǵa qosyldy.