Bıyl elordanyń birneshe kóshesindegi eski úıler súriledi

ASTANA. QazAqparat – Astana ákimdigi Kirpishti, Kúltegin, Asan qaıǵy kóshelerindegi eski úılerdi súrip tastaýǵa 20 mlrd teńgeden astam qarajat jumsamaqshy, dep habarlaıdy QazAqparat tilshisi.

Qala ákimi Jeńis Qasymbektiń Baıqońyr aýdany turǵyndarymen kezdesýinde Malahov kóshesiniń kólik ótkizý qabiletin kóterý týraly másele kóterildi.

Turǵynnyń aıtýynsha, bul kóshe temirjol ótkelimen qıylysyp jatqandyqtan órt sóndirý qyzmeti men jedel járdem kólikteriniń ótýin qıyndatqan.

«Bul aýdanda buzýǵa jatatyn úıler óte kóp. Búgin tańerteń saǵat 9.00-de Kirpishti, Kúltegni, Asan qaıǵy kóshelerinde boldyq. Bul ýchaskede bıyl súrip tastaý jumystary belsendi júredi. Bıyl múmkin bolǵanynsha bárin aıaqtaýǵa tyrysamyz. Sondyqtan osy ýchaskelerdegi jumystyr bitirmeı siz aıtyp otyrǵan shaǵyn aınalma kópirge kire almaımyz. Áriptesim de qazir aıtty. Eski úılerdi súrip tastaýǵa 20 mlrd teńgeden astam qarajat kerek. ıAǵnı úlken aqsha qajet ekenin túsiný kerek. Joba buǵan deıin qolǵa alynǵan. Biz sony aıaqtaǵan soń baryp kópir máselesine kirisemiz», - dedi ákim.