Bıyl elordanyń avtobýs parkteri qala bıýdjetine 2,5 mlrd teńge salyq tóleıdi

NUR-SULTAN. QazAqparat - Osy jyldyń qorytyndysy boıynsha elordanyń avtobýs parkteri qala bıýdjetine 2,5 mlrd teńge salyq tóleıdi. Bul týraly búgin «Astana LRT» JShS-niń basqarma tóraǵasy Bekmyrza Igenberdınov aıtty, dep habarlaıdy QazAqparat tilshisi.

«Menińshe, osy jyldyń qorytyndysy boıynsha bıýdjetke shamamen 2,5 mlrd teńge túsedi. Biz jyl boıy kommýnaldyq jáne jeke avtobýs parkterimizben jumys júrgizip kelemiz. Menedjment júıesi qalaı qalyptasqanyn, shyǵystary qandaı ekenin tekserip otyramyz. Janar-jaǵarmaı men qosalqy bólshekterdi satyp alý úshin qandaı da bir jeńildikter alýyna kómektesemiz. Bir jyl buryn qor jasaqtap qoımaýyn qadaǵalaımyz. ıAǵnı, belgili bir ýaqyt aralyǵyna qajetti bólshekterdiń ǵana qory bolýy tıis. Bul aqshanyń uzaq jatyp qalmaýy úshin jasalady. Aqsha qazirgi ýaqytta aınalymda bolýy tıis», - dedi ol «Qoǵamdyq kólik: reformalar jáne damý joldary» atty konferentsııa aıasynda BAQ ókilderine bergen suhbatynda.

Onyń atap ótýinshe, saralanǵan tarıftiń arqasynda «Astana LRT» avtobýs parkteriniń shynaıy shyǵyndarynyń naqty qansha ekeni anyqtalǵan.

«Komıssııa jumysy aıasynda biz olardyń shyǵyndaryn, onyń qaıda jumsalǵanyn tekseremiz. Dóńgelekti qaıdan alǵanyn, janar-jaǵarmaıdy qandaı baǵamen satyp alatynyn, janar-jaǵarmaı, qosalqy bólshekter shyǵyndarynyń esebin qaraımyz. Olarǵa qaı jerin ońtaılandyrý qajettigi týraly usynystar beremiz», - dedi B.Igenberdınov.