Bıyl elordalyqtarǵa 93 medıtsınalyq mekeme tegin qyzmet kórsetedi
ASTANA. QazAqparat - Áleýmettik medıtsınalyq saqtandyrý qory (ÁMSQ) tegin medıtsınalyq kómektiń kepildendirilgen kólemi (TMKKK) aıasynda halyqqa qyzmet kórsetetin medıtsınalyq uıymdarmen jyl saıyn kelisimshart jasasady. Kelisimsharttar negizinde emdeý mekemeleri tegin qyzmet kórsetse, olardyń aqysyn Medıtsınalyq saqtandyrý qory tóleıdi, dep habarlaıdy QazAqparat.
«Qazirgi tańda ÁMSQ-nyń Astana qalasy boıynsha fılıaly 2019 jyly medıtsınalyq qyzmet kórsetetin 93 emdeý mekemesimen kelisimshart jasasty. Olardyń 35-i memlekettik, qalǵany jekemenshik klınıkalar», - deıdi ÁMSQ Astana qalasy boıynsha fılıalynyń dırektory Nurlybek Qabdyqaparov.
Medıtsınalyq saqtandyrý qorynyń Astana qalasy boıynsha bekitken kelisimsharttarynyń jalpy somasy 90 mlrd teńgeni quraıdy. Bul rette elordalyq jekemenshik medıtsınalyq uıymdar da belsendilik tanytyp otyr.
Esterińizge sala ketsek, Medıtsınalyq saqtandyrý qory 2018 jyldan bastap tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý paketteri boıynsha úkimet belgilegen sheńberde turǵyndar úshin qyzmetterdi satyp alýshy qarjy operatory bolyp tabylady. ıAǵnı, halyqqa kórsetiletin medıtsınalyq qyzmet sapasy - qor baqylaýynda.
