Bıyl elordalyq avtobýstardyń júrgizýshileri 700-den astam márte jol qozǵalysy erejesin buzǵan
ASTANA. QazAqparat - Bıyldyń basynan beri Astana ІІD jol-patrýldik polıtsııasynyń qyzmetkerleri qoǵamdyq kólik júrgizýshileri arasynda jol qozǵalysy erejesin buzýdyń 700-den astam faktisin anyqtady.
Bul týraly «QazAqparat» HAA resmı saýalyna jaýap berý kezinde elordalyq Іshki ister departamenti ákimshilik polıtsııa basqarmasynyń basshysy Baqytjan Maılybaev málim etti.
«Bul basyp ozý, oraǵytyp júrý, uıaly telefonmen sóılesý, qıylystar men jaıaý júrginshiler jolaǵynan ótý erejesin buzý, tehnıkalyq jaǵdaı, apattyq jaǵdaıdy týdyrý, jolaýshylardy kólikke otyrǵyzý men túsirý erejesin oryndamaý jáne basqa da faktiler bar», - dedi ol.
Onyń sózinshe, eger jolǵa tehnıkalyq aqaýy bar kólikti shyǵarsa, sondaı-aq avtobýsty basqarýǵa alkogoldik ishimdikke masaıǵan júrgizýshi jiberilse, onda avtobýs parkteriniń laýazymdy qyzmetkerleri de jaýapkershilikke tartylady.
Bıyldyń 5 aıynda jolǵa tehnıkalyq aqaýy bar avtobýstardy shyǵarǵany úshin ákimshilik jaýapkershilikke 24 laýazymdy tulǵa tartylǵan kórinedi.
