Bıyl elordaǵa jarty mıllıonǵa jýyq týrıst keldi
ASTANA. 15 jeltoqsan. QazAqparat - 2012 jyldyń 9 aıynda elordada qyzmet kórsetilgen týrıster sany 476 256 adamdy qurady. Olardyń kóbi iskerlik maqsatta (64,8%) jáne demalys maqsatynda (29,6%) saıahattaǵandar. Kelýshiler sany ótken jyldyń osy kezeńimen salystyrǵanda 13,9 paıyzǵa ulǵaıǵan, dep habarlady Astana qalasynyń resmı saıty statıstıka departamentine silteme jasap.
Departament málimetteri boıynsha, qalada týrıstik qyzmet kórsetetin 218 týrıstik fırma men 41 jeke kásipker bar. Olardyń ishinde 127 kásiporyn men JK kelýshilerdi ornalastyrýǵa mamandandyrylǵan. Elordanyń qonaq úıleri men otelderinde 7907 tósektik-orynǵa arnalǵan 4728 nomer bar.
«Ótken jyldyń osy kezeńimen salystyrǵanda saparlaýshy týrıster 64,7 paıyzǵa ulǵaıyp, 41 481 adamdy qurady. Astanada satylǵan joldamalardyń jalpy quny - 3358743,2 myń teńgeni qurady», - delingen habarlamada.
