Bıyl elordada patsıentter 7 mlrd teńgeden asa somanyń tegin dári-dármegimen qamtyldy

NUR-SULTAN. QazAqparat - Nur-Sultan qalasynda jyl basynan beri 148 870 patsıent 7 mlrd 11 mln teńge somasyna 464 704 tegin dári-dármekpen qamtamasyz etildi, dep habarlaıdy QazAqparat.

Áleýmettik medıtsınalyq saqtandyrý qorynyń elordalyq fılıalynyń baspasóz qyzmeti málimetinshe, onyń ishinde tegin medıtsınalyq kómektiń kepildik berilgen kólemi aıasynda 5 mlrd 163 mln teńge ıgerilgen. Al MÁMS boıynsha eresekter - 1 mlrd 611 mln teńgeniń, balalar 236 mln teńgeniń preparattaryn tegin alǵan.

«MÁMS júıesi arqyly dári-dármekpen qamtylǵan balalardyń 1 156-sy jiti respıratorlyq ınfektsııamen – joǵarǵy tynys joldarynyń aýrýlarymen em qabyldasa, 3 462-si tómengi tynys joldary dertine shaldyqqan. Temir jetispeýshiligi anemııasymen - 517 bala, pnevmonııamen - 680 bala, sınýsıtpen jáne adenoıd aýrýlarymen 222 jetkinshek syrqattanǵan», – dep atap ótti fılıal dırektory Nurlybek Qabdyqaparov.

Aıta keterligi, emhana dárihanalarynda MÁMS júıesinde tegin beriletin barlyq ajetti dáriler bar.

Medıtsınalyq saqtandyrý qory patsıentter quqyǵyn qorǵaıdy. Qandaı da bir suraqtar týyndaǵan jaǵdaıda Qoldau 24/7 mobıldi qosymshasy, @saqtandyrybot telegram-boty, 1406 baı̆lanys ortalyǵy jáne q ordyń fms.kz saı̆ty arqyly habarlasýǵa bolady.