Bıyl elordada korrektsııalyq taǵy bir balabaqsha ashylady
NUR-SULTAN. QazAqparat – Bıyl elordada kórý qabileti tómen balalarǵa arnalǵan taǵy bir balabaqsha ashylady. Bul týraly Nur-Sultan qalasynyń ákimi Altaı Kólginov Instagram-da jazdy, dep habarlaıdy QazAqparat.
«Kórý qabileti tómen balalarǵa arnalǵan balabaqshanyń qurylysyn bıyl aıaqtaımyz. Mekeme Saryarqa aýdanynda ornalasqan (Kolhoznaıa jáne Bıgeldınov kósheleriniń qıylysy). 100 orynǵa eseptelgen.
Jańa balabaqshaǵa zaǵıp jáne kórý qabileti tómen balalar barady. Qazir elordada mundaı 2 balabaqsha bar», - dedi elorda ákimi.
Qala basshysynyń aıtýynsha, aǵymdaǵy jyly jalpy 12 mekteptiń qurylysy aıaqtalyp, paıdalanýǵa beriledi. 2021 jyly taǵy 12 mektep salynady.
