Bıyl elordada qansha kópbalaly otbasy páter alady
NUR-SULTAN. QazAqparat – Elorda ákimdiginde turǵyn úı qorynan beriletin páter boıynsha túsinik berildi, dep habarlaıdy QazAqparat tilshisi.
«Aǵymdaǵy jyly Nur-Sultan qalasynyń Qurylys jáne turǵyn úı saıasaty basqarmasynyń derekteri boıynsha kommýnaldyq turǵyn úı qorynan baspana berý aıasynda 1634 páter berý josparlanǵan», - dedi Jumyspen qamtý jáne áleýmettik qorǵaý basqarma basshysynyń orynbasary Ánýar Saıpov.
Onyń 731-i jalǵa beriletin turǵyn úı bolsa, onyń 233-i kópbalaly otbasylarǵa, 105-i jetim balalarǵa, bir páter Ekinshi dúnıejúzilik soǵys ardagerine, 277-si halyqtyń áleýmettik osal toptaryna, 115-i memlekettik qyzmetshilerge jáne bıýdjettik uıymdardyń qyzmetkerlerine arnalǵan.
Budan bólek, 903 nesıelik turǵyn úı josparlanǵan, onyń ishinde 452-si kezekte turǵandarǵa beriledi.
«2020 jyly kommýnaldyq turǵyn úı qorynan turǵyn úı berý boıynsha 1640 páter berý josparlanǵan. Sonyń arasynda 718 jalǵa beriletin turǵyn úı bar, onyń ishinde 144-i kópbalaly otbasylarǵa, 144-i jetim balalarǵa, 210-y halyqtyń áleýmettik osal toptaryna, 220-sy memlekettik qyzmetshiler jáne bıýdjettik uıymdardyń qyzmetkerlerine arnalyp otyr. Sonymen birge, 922 nesıelik turǵyn úı qamtylyp, sonyń 461-i kezekte turǵandarǵa bólinbek», - dedi ol.
Á. Saıpov joǵaryda atalǵan turǵyn úı berý úshin josparlanǵan kólemnen basqa, tolyq emes otbasylar, kópbalaly otbasylar jáne múgedek balalary bar otbasylar úshin «Baqytty otbasy» atty TurǵynúıQurylysJınaqBanki arqyly jeńildikti nesıe berý baǵdarlamasy iske qosylǵanyn eske saldy.
