Bıyl elordada qandaı sport nysandary ashyldy
NUR-SULTAN. QazAqparat – Bıyl Nur-Sultan qalasynda birneshe sport nysandary ashyldy. Jańadan ashylǵan jáne salynyp jatqan sport keshenderi týraly qalalyq Dene shynyqtyrý jáne sport basqarmasynyń basshysy Samat Erǵalıev aıtyp berdi, dep habarlaıdy QazAqparat tilshisi.
«Bıyl elorda ákimdiginiń tikeleı qoldaýymen «Astana Arena» sport kesheni janynan qalalyq jaýyngerlik óner jáne boks ortalyǵy ashyldy. Jáne qalanyń oń jaǵalaýyndaǵy turǵyndarǵa yńǵaıly bolýy úshin Jırentaev kóshesi boıynda jekpe-jek ortalyǵyn ashtyq. Sonymen qatar Táýelsizdik saraıynda kórkem gımnastıka ortalyǵy iske qosyldy. Odan bólek, Saryarqa velotregi janynan Dzıýdo ortalyǵy jumys isteı bastady. Ashylǵan ortalyqtar men zaldar zamanaýı quraldarmen jabdyqtalǵan», - dedi S. Erǵalıev.
Sondaı-aq, basqarma basshysy qala mańyndaǵy eldi mekenderde birneshe sport kesheniniń salynyp jatqanyn tilge tıek etti.
«Qazirgi tańda 4 dene shynyqtyrý-saýyqtyrý kesheniniń qurylysy júrgizilip jatyr. Ilınka, Kóktal-2, Óndiris, Jeleznodorojnyı turǵyn alaptarynda salynyp jatqan sport keshenderi bıyl jyl sońyna deıin paıdalanýǵa beriledi», - dedi ol.
Odan bólek, S. Erǵalıev bıyl Nur-Sultanda «Dene shynyqtyrý jáne sport» mamandyǵyna 50 qala ákiminiń granty bólinetin jetkizdi.
Eske sala ketsek, buǵan deıin astanalyq balalar men jasóspirimderdiń sportpen tegin túrde shuǵyldana alatyndyǵy habarlanǵan bolatyn.
