Bıyl elordada 20 myńnan astam bala mektep tabaldyryǵyn attaıdy
NUR-SULTAN. QazAqparat – Elorda mektepterine jańa oqý jylynda 20 myńnan astam bala birinshi synypqa barady, dep habarlaıdy QazAqapart tilshisi.
Nur-Sultan qalasynyń bilim berý basqarmasynyń basshysy Ánýar Janǵozın elorda mektepterinde úsh aýysymmen bilim berý máselesi áli sheshimin tappaı jatqanyn aıtady.
«2018-2019 oqý jylynda qaladaǵy 5 mektep 3 aýysymdy rejimde bilim bergen bolatyn. Bul máseleni №24,40,28,57 jáne 64 mektepterge janama ǵımarattar ashý arqyly sheshemiz. Sonymen qatar, 3 jańa mektep qoldanysqa beriledi. Bıyl birinshi synypqa taǵy 23-24 myń bala barady degen esep bar. ıAǵnı úsh aýysymdy rejim máselesi áli de bar», - dedi basqarma basshysy.
Anýar Janǵozınniń aıtýyna qaraǵanda, elorda mektepterine 200 pedagog jetispeıdi.
«Ótken oqý jylynda qala mektepterinde 162 myń bala oqysa, bıyl olardyń sany 182 myńnan asýy múmkin. Bizge 200 muǵalim jetpeıdi. Ásirese, bastaýysh synyp oqýshylary men tárbıeshiler qajet. Muǵalim tapshylyǵyn sheshý úshin jas muǵalimderge arnalǵan jataqhana salyp jatyrmyz. Tamyz-qyrkúıek aılarynda qoldanysqa berý josparlanǵan. Sondaı-aq, turǵyn úı sertıfıkattarymen qamtý jalǵasýda. Qaizrge deıin muǵalimge sertıfıkat berildi», - dedi ol.
