Bıyl elordada 150 kóshe jóndelip, Esil ózeninde taǵy bir kópir salynady
«Jańa joldar men kópirler tirshiligi qaı̆naǵan kóshelerdiń júgin azaı̆typ, jaqyn mańdaǵy aýdandar men jalpy, qala turǵyndaryna qolaı̆ly jaǵdaı týdyratyny sózsiz. Aralaý kezinde Nova City mańyndaǵy №27 kósheni № 39 kóshemen (Táýelsizdik) jalǵaı̆tyn kóshe qurylysymen tanystym» dep jazdy qala ákimi Altaı Kólginov Instagram paraqshasynda.
Onyń aıtýynsha, osy kósheniń ózi ǵana mynadaı̆ júı̆eli máselelerdi sheshedi:
- Joldy áýejaı baǵytynda jalǵap, Telman turǵyn alabymen qosady. Osy alap turǵyndarynyń qalaǵa qatynaı̆tyn joly meı̆linshe qysqarady;
- Máńgilik El men Uly Dala dańǵyldarynyń júgin azaı̆tady;
- Osy jańa kósheden Esil ózeni men Nura-Esil kanaly ústinen eki kópir bolady. Olar ózenniń qos jaǵalaýyn baı̆lanystyrady;
«Bıyl barlyǵy 150 kósheni jóndeýden ótkizemiz jáne jańadan salamyz» deıdi shahar basshysy.
