Bıyl elordada 11 skver salynady
NUR-SULTAN. QazAqparat – Bıyl Nur-Sultan qalasy boıynsha 11 svkerdiń qurylysy júrgiziledi, dep habarlaıdy QazAqparat tilshisi.
Qalalyq qorshaǵan ortany qorǵaý jáne tabıǵat paıdalanýdy retteý basqarmasynyń basshysy Álııa Qojabaeva oblystyq máslıhat janyndaǵy turaqty bıýdjettik komıssııanyń otyrysynda osyndaı málimet berdi.
«Saryarqa aýdanyndaǵy skver salý jobasynyń qurylys-montaj jumystaryn jalǵastyrýǵa - 229 mln teńge, Esil aýdanyndaǵy skverdiń qurylys montaj jumystaryn aıaqtaýǵa - 201 mln teńge, «Internatsıonalnyı» turǵyn úı massıvindegi skverdiń qurylys-montaj jumystaryn aıaqtaýǵa - 72 mln teńge, Pýshkın kóshesindegi skver qurylysyna - 27 mln teńge, «Temirjol» turǵyn úı massıvindegi skver qurylysyna - 174 mln teńge, Saryarqa aýdanynyń №187 kóshe aýmaǵyndaǵy svker qurylysyna - 6,1 mln teńge, Aımanov kóshesindegi skver qurylysyna - 18,3 mln teńge, Asfendııarov, Kenjın, Úlimjiuly, Daırabaı, Móńkeuly kósheleriniń sharshysyndaǵy svker qurylysyna 58,5 mln teńge qajet», - dedi ol máslıhat otyrysynda.
Onyń aıtýynsha, Esil aýdany «Telman» turǵyn úı massıviniń aýmaǵyndaǵy saıabaq qurylysyna 705 mln teńge qajet.
«Abaı dańǵylyndaǵy svker qurlysyna - 343 mln teńge, Táshenov-Hýseın kósheleriniń qıylysyndaǵy svker qurylysyna - 99,3 mln teńge, Bógenbeı batyr-Jambyl kósheleriniń qıylysyndaǵy skver qurylysyna - 237 mln teńge, Ilınka turǵyn úı massıvinde Qashaýbaı-Janqoja batyr kósheleriniń qıylysyndaǵy skver qurylysynyń jobalyq-smetalyq qujattamasyn daıyndaýǵa - 7 mln teńge, Eńbekshiler kóshesindegi skver qurylysynyń jobalyq-smetalyq qujattamasyn daıyndaýǵa - 15,5 mln teńge, Máńgilik el dańǵylyndaǵy skver qurylysynyń jobalyq-smetalyq qujattamasyn daıyndaýǵa - 11 mln teńge, Bókeıhan-Orynbor kósheleriniń qıylysyndaǵy skver qurylysynyń jobalyq-smetalyq qujattamasyn daıyndaýǵa 9,2 mln teńge kerek», - dedi ákimdik ókili.
Buǵan deıin jazǵanymyzdaı, Nur-Sultan qalasynyń mádenıet basqarmasy astana teatrlaryna balalardyń tegin kirýi úshin 63 mln teńge surap otyr.
