Bıyl elordada 1 mln-nan astam mektep oqýlyǵy satyp alyndy

Bul týraly Nur-Sultan qalasy bilim basqarmasy basshysynyń orynbasary Dýlat Shoǵanbaı málim etti, dep habarlaıdy QazAqparat tilshisi.

«Bizdiń basqarma 2019-2020 oqý jylynda 3 mlrd teńege 2 mln 595 myń 304 dana kitap satyp aldy. 2020-2021 oqý jylynda kitap alýǵa 2 mlrd 390 mln teńge bólindi. Ol qarjyǵa 1 mln 480 myń dana kitap satyp alyndy. Al bıylǵy oqý jylynda (2021-2022 jj) 2 mlrd 251 mln 670 myń teńge qarjyǵa 1 mln 116 myń dana kitap satyp alyndy. Aıta ketý kerek, bıyl elordanyń bastaýysh mektepteri boıynsha túgeldeı jańa kitap satyp alyndy jáne ol kitaptar jańartylǵan bilim mazmunyna tolyq saı keledi», - dedi Dýlat Shoǵanbaı qalalyq qoǵamdyq keńes otyrysynda.

Sonymen qatar, atalǵan jıynda mektep oqýlyqtaryn elordada basyp shyǵarý máselesi kóterildi.

Buǵan deıin habarlaǵanymyzdaı, Nur-Sultan qalasyndaǵy Táýelsizdik, Beıbitshilik jáne Kelisim saraıyna jóndeý jumystary júrgiziledi.

Odan bólek, qalalyq Orys drama teatryn qaıta qalpyna keltirý josparlanyp otyr.