Bıyl elorda bıýdjetiniń túsimi 10 paıyzǵa ósti
Ótken jyldyń sáıkes kezeńimen salystyrǵanda túsim 16 mlrd 268 mln teńgege nemese 9,9 paıyzǵa ulǵaıdy. Onyń ishinde salyqtyq naqty túsim 175 mlrd 581 mln teńgeni qurady. Bul jerde túsim 13 mlrd 595 mln teńgege, ıaǵnı 8,9 paıyzǵa artyp otyr. Bul málimetti qalalyq Qoǵamdyq keńesiniń otyrysynda Ekonomıka jáne bıýdjettik josparlaý basqarmasynyń basshysy Erǵalı Egemberdi berdi.
«Bıyl bıýdjetti úsh ret naqtylaý ótkizildi. Qorytyndysynda kiris bóligi sońǵy naqtylaýdy esepke alǵanda 26 mlrd teńgege ulǵaıyp otyr. Jyl boıy bólingen qosymsha qarajat elorda turǵyndarynyń qolaıly ómir súrýin qamtamasyz etý úshin basymdy mindetterdi iske asyrýǵa baǵyttaldy. Depýtattar men halyq únemi kóterip otyratyn áleýmettik saladaǵy ózekti máselelerdi sheshýge qosymsha shamamen alǵanda 9 mlrd teńge bólindi. Onyń ishinde bilim berý salasyna 2,5 mlrd teńge tıisili», - dedi E. Egemberdi
