Bıyl elimizdiń sý aıdyndarynda 387 adam sýǵa batqan
ASTANA. QazAqparat - Qazaqstan Respýblıkasy ІІM TJ komıteti, onyń aýmaqtyq jáne vedomstvolyq baǵynysty bólimsheleri sýǵa túsý maýysymyn qaýipsiz ótkizý boıynsha belsendi jumys júrgizýde, dep habarlaıdy vedomstvonyń baspasóz qyzmetinen.
Aǵymdaǵy jyldyń ótken kezeńinde TJK jedel-qutqarý jasaqtarynyń qutqarýshylary 657 adamdy, onyń ishinde 167 balany qutqardy, 119 adamǵa, onyń ishinde 32 balaǵa dárigerge deıingi medıtsınalyq kómek kórsetildi.
Qabyldanǵan sharalarǵa qaramastan, kórsetilgen kezeńde elimizdiń sý aıdyndarynda 387 adam sýǵa batty, onyń ishinde 99-y bala.
Barynsha kóp qaza bolǵandar Almaty, Shyǵys Qazaqstan, Ońtústik Qazaqstan, Aqmola, Qyzylorda, Batys Qazaqstan jáne Soltústik Qazaqstan oblystarynda tirkeldi.
Adamdardyń sýda qaza bolýlarynyń basty sebepteri qaýipsizdik erejelerin buzý jáne sý aıdyndarynyń jabdyqtalmaǵan ýchaskelerinde sýǵa shomylý, sondaı-aq elimizdiń shyǵys, batys jáne ońtústik óńirlerinde tirkelgen anomaldy ystyq aýa raıy bolyp tabylady.
TJD aýmaqtyq bólimsheleri kún saıyn sý aıdyndaryndaǵy qaıǵyly oqıǵalardyń aldyn alý boıynsha profılaktıkalyq jumystar júrgizedi. Barlyq jerlerde balalarmen tanymdyq sharalar, ınteraktıvti sabaqtar ótkiziledi, turǵyndar jáne balyqshylarmen áńgimelesýler men dárister júrgiziledi. Profılaktıkalyq jumystarǵa buqaralyq aqparat quraldary qosylady.
Qala jaǵajaılarynda «Sýdaǵy júris-turys erejeleri», «Sýda zardap shekken adamdarǵa alǵashqy medıtsınalyq kómek kórsetý» taqyryptary boıynsha 500-den asa kórneki stend ornatyldy.
Elimizdiń sý aıdyndarynyń jabdyqtalmaǵan jáne qaýipti ýchaskelerinde «Sýǵa túsýge tyıym salynady» degen 555 tyıym salatyn belgi ornatyldy.
Sý aıdyndary mańynda ornalasqan balalar demalatyn lagerlerge joǵary kóńil bólinýde, TJD bilim berý, densaýlyq saqtaý basqarmalarymen, ákimdiktermen birlesip, balalardyń sýdaǵy qaýipsizdigi boıynsha is-sharalar keshenin júrgizýde.
Elimizdiń sý aıdyndarynda adamdardyń qaza bolýyna jol bermeý maqsatynda Komıtettiń aýmaqtyq bólimsheleri ishki ister departamentterimen birge demalys jáne mereke kúnderi sýda jappaı demalý oryndarynda demalýshy adamdarmen qoǵamdyq jerlerdegi júris-turys erejelerin buzýǵa jol bermeý boıynsha reıdter, sondaı-aq asa qaýipti akvatorıılerde patrýldeý jumystaryn júrgizýde, onyń barysynda halyqpen sý aıdyndaryndaǵy qaýipsizdik sharalary týraly aldyn alý áńgimeleri, dáristeri júrgiziledi.
Balalardyń sýdaǵy ólimin boldyrmaý úshin, qutqarý bólimsheleriniń qyzmetkerleri balalarǵa júzýdi úıretý boıynsha jumys júrgizdi. Balalar bilim beretin jáne sport mekemelerindegi haýyzdarda úıretildi. 2015 jyldyń ótken kezeńinde 4 000-nan asa balaǵa júzýdi úıretý uıymdastyryldy. Osy baǵyttaǵy jalǵasýda.
