Bıyl elimizdiń elektr stansylarynda jıyntyq qýaty 98 MVt bolatyn týrboagregattardy iske qosý josparlanýda - Á. Isekeshev
ASTANA. Sáýirdiń 27-si. QazAqparat /Ernur Aqanbaı/ - Bıyl Qazaqstannyń elektr stansylarynda jıyntyq qýaty 98 MVt bolatyn týrboagregattardy iske qosý josparlanyp otyr. Bul týraly búgin Astanada ótken energetıkalyq salany damytý perspektıvasyna arnalǵan keńeste vıtse-premer-ındýstrııa jáne jańa tehnologııalar mınıstri Áset Isekeshev aıtty,
dep habarlıdy QazAqparat.
«2009 jyly elektr stansylarynda jıyntyq qýaty 92 MVt týrboagregattar iske qosyldy, 2010 jyly 98 MVt iske qosý josparlanyp otyr. Sondaı-aq jańa qýattardy iske qosý úshin negiz qalanyp jatyr: 2011 jyly - 455 MVt, al 2012 jyly - 590 MVt jańa qýattar iske qosylatyn bolady», dedi keńeste Á. Isekeshev.
Onyń sózine qaraǵanda, ınvestıtsııalyq kelisimder aıasynda eksplýatatsııaǵa engizilgen qýattardyń jıyntyq kólemi - 3700 MVt-tan astamdy quraıdy. 2016-2017 jyldary bul kólem 4 700 MVt-qa jaqyndaıdy dep kútýge negiz bar.
