Bıyl elimizdiń 9 óńirinde órt oqıǵalary jıiledi – mınıstrlik

ASTANA. QazAqparat – Jyl basynan beri elimizdiń 9 oblysynda órt oqıǵalary jıi tirkelgen, dep habarlaıdy QazAqparat tilshisi.

«Órtterdiń sany Abaı oblysynda 90,4%-ǵa, Batys Qazaqstanda -42,4%, Qostanaıda - 38,5%, Jambylda - 34,9%, Ulytaý oblysynda - 22,8%, Aqtóbede - 18,4%, Qyzylordada - 17%, Jetisýda - 3,7% jáne Almaty oblysynda 42%-ǵa óskeni baıqaldy», - delingen Tótenshe jaǵdaılar mınıstrliginiń saıtynda jarııalanǵan jarty jyl ishindegi oqıǵalardyń esebinde.

Bul rette órt oqıǵalary Qaraǵandy (-18,5%), Soltústik Qazaqstan (-12,5%), Mańǵystaý (-8,3%), Pavlodar (-8,3%), Shyǵys Qazaqstan (-7,2%), Aqmola (-4,3%) oblystary men Almaty qalasynda 12,8%-ǵa azaıǵan.

Qosa ketsek, jarty jylda Qazaqstan aýmaǵynda bolǵan tabıǵı jáne tehnogendik tótenshe jaǵdaılardan 2,5 mlrd teńge shyǵyn keldi.