Bıyl elimizdegi ormandar aýmaǵynda 694 órt sóndirildi
Qazaqstanda 2020 jylǵy órt qaýpi maýsymy resmı túrde aıaqtaldy. QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti tarapynan tıisti buıryq shyǵaryldy.
Aıta keteıik,bıyl memlekettik orman qory aýmaǵynda jalpy aýdany 102 135,7 ga bolatyn 694 órt boldy, onyń ishinde orman alańy – 41 827 ga, ormanmen kómkerilgen aýmaq – 27 618,8 ga, onyń ishinde joǵarǵy orman - 3084,6 ga, sondaı - aq orman emes alań - 60 308,7 ga-ǵa jetip, jalpy zalal 2,1 mlrd teńge. Ótken jyldyń deńgeıimen salystyrǵanda orman órtteriniń sany 70 jaǵdaıǵa artty (2019 jyly - 624 jaǵdaı).
Oblystyq atqarýshy organdardyń jáne basqa memlekettik orman ıelenýshilerdiń qaramaǵyndaǵy memlekettik orman qory aýmaǵynda jalpy alańy 56 613,67 gektar jerde órt boldy. Atap aıtqanda 37 350,11 ga ormandy jerde, onyń ishinde 24 704,2 ga ormanmen kómkerilgen aýmaqta, onyń ishinde joǵarǵy 2005,51 ga, ormansyz 19 263,57 ga alqapta orman órtteriniń 389 oqıǵasy boldy. Orman órtterinen kelgen nuqsan 256 413,7 myń teńgeni qurady.
Sondaı-aq, Orman sharýashylyǵy jáne janýarlar dúnıesi komıtetiniń qaramaǵyndaǵy ormandarda jalpy aýdany 45 521,99 ga orman órtteriniń 305 jaǵdaıy oryn aldy, onyń ishinde orman - 4476,84 ga, ormanmen jabylǵan - 2914,57 ga, onyń ishinde minis - 1079,05 ga, orman emes alań-41 045,14 ga. Zalal 1 850 226,4 myń teńge.
Jambyl (41,8 myń ga), Qostanaı (28,3 myń ga) jáne Almaty (10,4 myń ga) oblystarynyń orman jáne tabıǵat qorǵaý mekemeleriniń aýmaǵynda úlken alańdarda orman órtterine jol berildi.
Aıta keteıik, elimizdiń memlekettik orman qorynyń jalpy aýdany 30,0 mln ga quraıdy, onyń ishinde Komıtettiń qaramaǵynda 32 vedomstvalyq baǵynysty uıym bar, olarǵa 7,4 mln ga memlekettik orman qorynyń alańy bekitilgen, bul respýblıkanyń memlekettik orman qorynyń jalpy aýdanynyń 24,6% - yn quraıdy.
Oblys ákimdikteriniń qaramaǵynda 120 orman sharýashylyǵy memlekettik mekemesi bar, olarǵa 22,5 mln.ga nemese jalpy aýdannyń 74,7% - y qaraıdy. Sondaı-aq 210,3 myń ga nemese jalpy aýdannyń 0,7% - y basqa vedomstvolardyń qaramaǵynda.
Órt qaýpi maýsymyna daıyndyq sheńberinde oblys ákimdikteriniń orman sharýashylyǵy qurylymdyq bólimsheleriniń, orman sharýashylyǵy memlekettik mekemeleriniń jáne tabıǵat qorǵaý mekemeleriniń qatysýymen keńester ótkizildi. Sondaı-aq orman órtterimen kúreste tıimdi ózara is-qımyl jasaý úshin memlekettik orman ıelenýshiler oblys ákimdikteriniń orman sharýashylyǵynyń qurylymdyq bólimsheleri, tabıǵat qorǵaý mekemeleri jáne QR Tótenshe jaǵdaılar mınıstrliginiń vedomstvolyq baǵynysty uıymdary boıynsha tıisti josparlar ázirledi. Sonymen qatar, orman órt sóndirý qyzmetteri arnaıy nusqaýlyqtan ótti.
Sonynmen qatar «Qazavıaormanqorǵaý» RMQK shaǵyn aýdandarynda orman órtterin der kezinde anyqtaý jáne joıý úshin birqatar oblysta avıatsııamen qaraýyldaý júrgizildi, jalpy ushý ýaqyty 7 811 saǵatty qurady.
«Qazaqstan ǵarysh sapary» AQ-men birlesip órttengen orman qory alańdaryn ǵaryshtan monıtorıngileý júzege asyryldy.
