Bıyl elimizde joldardy jabý eki esege kóbeıgen
«Qys bastalysymen aýa raıynyń qolaısyzdyǵy Qazaqstandaǵy joldarda 800-den astam ret qozǵalys shekteýge sebepshi boldy. Bul kórsetkish ótken jylmen salystyrǵanda 2 esege artyp otyr», delingen habarlamada.
Osylaısha, jolda kórinbeýge qatysty qozǵalysqa shekteý 572 ret engizilse, kóktaıǵaq saldarynan kólik júrgizýshileri saparǵa 112 ret shyǵa almady.
«15 jaǵdaıda joldaǵy qozǵalys aýa temperatýrasynyń tómendigine, 6 jaǵdaıda josparly jóndeý jumysynyń júrgizilýine jáne qar kóshkininiń qaýip tóndirýine baılanysty, 114 jaǵdaıda kórshi óńirlerdegi avtomobıl joldarynyń jabylýyna baılanysty shekteldi», delingen habarlamada.
Baspasóz qyzmetiniń málimetinshe, bıyl qysta Shyǵys Qazaqstan oblysynda joldar kóp jabylǵan. Óńirde kólik qozǵalysyna shekteý 186 ret engizilgen. Ekinshi orynda Aqmola oblysy. Munda joldar 156 ret jabyldy. Al Aqtóbe oblysynda joldardaǵy qozǵalysqa 108 ret shekteý engizilipti.
