Bıyl elimizde jol qurylysyna 100 myń adam jumysqa tartylady - Á. Isekeshev
ASTANA. QazAqparat - Qazaqstanda jol qurylysynda 20 otandyq kompanııa jumys isteýde. Bul týraly búgin Úkimet otyrysynda «Nurly jol» baǵdarlamasy boıynsha baıandama jasaǵan QR Investıtsııalar jáne damý mınıstri Áset Isekeshev málim etti.
«Jalpy jol qurylysynda 30 kompanııa jumys atqarýda. Olardyń ishinde - 10 ǵana sheteldik. Bıyl elimizdegi barlyq joldardyń qurylysyna sonyń ishinde «Nurly jol» aıasynda salynyp jatqan jobalardyń qurylysyna 100 myń adam jumysqa tartylady, olardyń ishinde 3 myńy ǵana - shetel mamandary»,-dedi mınıstr.
«Nurly jol» memlekettik baǵdarlamasy sheńberinde 11 avtojol salynady. Salynǵan avtojoldar oblystardyń bip-bipimen saýda-sattyǵyn, ekonomıkalyq baılanystaryn nyǵaıtyp qana qoımaı, elimizdiń áleýmettik-ekonomıkalyq ósýine, shaǵyn jáne orta bıznestiń damýyna oń yqpal etedi. Al, tasymaldardyń kólemi 2,5 ese ósedi dep josparlanýda»,-dedi Á. Isekeshev.
11 joldyń ishinde Batys Eýropa-Batys Qytaı (2 452 km), Astana-Almaty (1 282 km), Astana-Óskemen (1 018 km),Astana-Aqtóbe-Atyraý-Aqtaý (2 504 km), Almaty-Óskemen (662 km), Qyzylorda - Jezqazǵan - Qaraǵandy (925 km), Astana-Petropavl-Reseı shekarasy - (169 km), Úsharal - Dostyq (184 km), Oral-Kamenka (100 km), Jetibaı - Jańaózen (73 km), Astana qalasynyń Ońtústik-Batys aınalma joly (31 km) jobalary qamtylǵan.
Belgili bolǵandaı, salynǵan joldardyń boıynda ulttyq standartqa sáıkes 200-den astam qyzmet kórsetý obektileri salynyp, qyzmet kórsetý salasynyń damýyna jáne jol ınfraqurylymyn jaqsartýǵa yqpalyn tıgizedi.
