Bıyl elimizde oryn alǵan órtter sany 11 paıyzǵa tómendegenimen, osy tilsiz jaýdan qaza bolǵandar sany 14 paıyzǵa artqan- V. Bojko
A. Jeltoqsannyń 14-i. QazAqparat /Qanat Mámetqazyuly/ -Bıyl respýblıka boıynsha oryn alǵan órtter kórsetkishi 11 paıyzǵa azaıdy.
Búgin QR Parlamenti Májilisinde ótken Úkimet saǵatynda QR Tótenshe jaǵdaılar mınıstri Vladımır Bojko osylaı málim etti, dep habarlaıdy QazAqparat.«Aǵymdaǵy jylǵy tótenshe jaǵdaılardyń aldyn alýǵa baǵyttalǵan keshendi sharalardyń nátıjesinde qaýipti óndiristegi ólimge soqtyratyn jaraqat alýshylyq 2,3 esege deıin tómendedi. Sonymen birge, 2008 jylmen salystyrǵanda 2009 jyly aýyr jaraqat alýshylar sany 1,5 esege deıin azaıdy. Budan basqa, respýblıka boıynsha oryn alǵan órtter sany 10-11 paıyzǵa deıin azaıyp otyr. Al sol tilsiz jaý saldarynan bolatyn materıaldyq shyǵyndar 15,5 paıyzǵa kemidi», dedi V. Bojko. Degenmen de, órtke qatysty kórsetkishterdiń tómendegenine qaramastan, jaýapty tulǵalardyń órtke qarsy talaptardy oryndamaý saldarynan adam ólý sany 14 paıyzǵa artqan. «40 adamnyń ómirin jalmaǵan Taldyqorǵan qalasyndaǵy aýrýhanada oryn alǵan órttiń sebebi ǵımaratta órtke qarsy avtomatıkanyń bolmaýynan, órtke qarsy tártiptiń júıeli buzylýynan oryn alǵany anyqtaldy. Al 14 adam qaıtys bolǵan Astana qalasyndaǵy qoımada bolǵan órt - qaýipsizdik erejelerin óreskel buzý, eńbek tártibiniń tómendiligi sebebinen týyndaǵan», dedi V. Bojko.
