Bıyl elimizde neshe túlek mektep bitiredi

NUR-SULTAN. QazAqparat – Bilim jáne ǵylym mınıstrligi Mektepke deıingi orta bilim berý komıtetiniń tóraǵasy Maıra Meldebekova bıylǵy oqý jylynda neshe oqýshynyń mektep bitiretinin aıtty, dep habarlaıdy QazAqparat tilshisi.

«Jalpy 3 mln 400 myńnan astam oqýshymyz bar. Osy oqý jylynda oqý protsesi ár túrli formattarmen júrdi. Oqýshy sany 300 balaǵa deıingi mektepterdiń bári dástúrli formatta oqydy. Ol mektepterde 120 myńnan astam bala bar. Sonymen qatar, oqý jylynyń basynan beri 1-5 synyptarda kezekshi toptar ashtyq. Árıne bastaýysh synyptardyń balalarynda qashyqtan oqýǵa daǵdylary qalyptaspaǵandyqtan olardyń bárimen eldegi sanıtarlyq ahýalǵa baılanysty kezekshi toptar boıynsha jumys isteýge quzyrly mınıstrlikten ruqsat alyp otyrdyq», - dedi. Maıra Meldebekova.

Mınıstrlik ókili ІІІ toqsannan bastap 9-11 synyptarda qorytyndy attestatsııa emtıhandaryn tapsyratyn bolǵandyqtan, dástúrli formatta bilim alýǵa múmkindik alǵanyn eske saldy.

«Jyl boıynda oqytý formaty árbir eldi mekenniń sanıtarlyq-epıdemıologııalyq jaǵdaıyna baılanysty tańdalyp otyrdy. Qorytyndy attestattaýǵa baratyn 264 800-den astam bala 9 synyp túlegi, 154 400-den astam 11 synyp túlegi bar», - dedi komıtet basshysy Maıra Meldebekova.