Bıyl elimizde munaı ónimi 74 mln tonnaǵa boljanady

ASTANA. QazAqparat - Bıyl elimizde munaı ónimi 74 mln tonnaǵa boljanady. Búgin «2016-2018 jyldarǵa arnalǵan respýblıkalyq bıýdjet týraly» Zańyna ózgerister men tolyqtyrýlar engizý týraly» zań jobasyn tanystyrylymy barysynda Ulttyq ekonomıka mınıstri Erbolat Dosaev osylaı málim etti.

«Aǵymdaǵy jyly aýyl sharýashylyǵy jalpy óniminiń kólemi 3,5 paıyzdyq deńgeıge ósetini boljanady. 2016 jyly ónerkásip óndirisi 2,0 paıyzǵa tómendeýi da qarastyrylǵan. Bul negizinen taý-ken ónerkásibiniń bes, qaıta óńdeý ónerkásibiniń 1,4 paıyzǵa qysqarýy saldarynan oryn almaq», - dedi E. Dosaev. Onyń aıtýynsha, 2016 jyly elimizde munaı óndirý 74 mln. tonnany quraıtyn bolady. Al Ulttyq banktiń boljamy boıynsha 2016 jyly ınflıatsııa 6,0-8,0 paıyz dálizinde boljanady. Bul buǵan deıingi bekitilgen kórsetkishke saı keledi.