Bıyl elimizde mol astyq jınaýǵa múmkindik bar – mınıstr

ASTANA. QazAqparat – Aýyl sharýashylyǵy mınıstri Erbol Qarashókeev osy jyly elimizde mol astyq jınaýǵa múmkindik bar ekenin aıtty, dep habarlaıdy QazAqparat tilshisi.

«Bıyl egis alqaptarynda ylǵaldylyqty saqtaý boıynsha jumystar der kezinde atqaryldy. Qazir egin egý naýqany qyzý júrip jatyr. Osy oraıda astyq shyǵymy jaqsy deńgeıde bolady degen pikirdemiz. Sondyqtan ortasha jyldyq astyq jınalýy múmkin», - dedi E. Qarashókeev Senatta tilshiler suraǵyna jaýap bere otyryp.

Osy oraıda Aýyl sharýashylyǵy mınıstri osy jyly mol astyq jınaý múmkindigi bar ekenin aıtty.

«Jaqsy ónim alý baǵytynda qazir egin egý jumystaryn belgilengen agrotehnıkalyq merzimde tezirek aıaqtaý úshin barlyǵyn jasap jatyrmyz», - dedi vedomstvo basshysy.

Budan buryn habarlanǵandaı, Erbol Qarashókeev bıyl jem-shóp tapshylyǵy bolmaıtynyn jetkizdi.

Aıta keteıik, byltyr 23 mln gektarǵa egin egilgen edi. Nátıjesinde 21,6 mln tonna astyq bastyryldy.