Bıyl elimizde kommertsıalızatsııalaý keńseleriniń jelisin qurý josparlanýda
ASTANA. Tamyzdyń 25-i. QazAqparat /Marlan Jıembaı/ - Elimizdiń Indýstrııa jáne jańa tehnologııalar mınıstrligi kommertsıalızatsııalaý keńseleriniń jelisin qurý baǵdarlamasyn iske qospaq. Bul týraly búgin elordada ulttyq ınnovatsııalyq júıeni qurýǵa arnalǵan brıfıng barysynda «Ulttyq ınnovatsııalyq qor» AQ basqarmasynyń tóraǵasy Aıdyn Qulseıitov málim etti.
Onyń atap ótýinshe, atalǵan keńseler ǵalymdardyń ınnovatsııalyq ıdeıalaryn izdep tabýmen qatar olardy kásiporyndarda engizý deńgeıine deıin qol ushyn beretin bolady. Sondaı-aq atalǵan keńselerde qandaı tehnologııa nemese noý-hoý el kásiporyndarynyń ónimdiliginiń arttyrýǵa, ózindik qunyn tómendetýge, ónim sapasyn jaqsartýǵa múmkindik beredi degen syndy málimetterdi qamtıtyn túrli mamandandyrylǵan aqparattyq bazalar da qamtylady.
«Kommertsıalızatsııalaý keńsesi - bul konstrýktorlyq bıýro, tehnoparktermen qatar tehnologııalardy izdeýdi jónge salatyn býyn», dep atap ótken A.Qulseıitovtiń aıtýyna qaraǵanda, aǵymdaǵy jyly memlekettik tapsyrys boıynsha kommertsıalızatsııalaý ádistemesi ázirlenip, tehnologııalyq jáne óndiristiń áleýeti shoǵyrlanǵan óńirlerde onyń keńse jelisin qurý máseleleri talqylanady.
